Um skólann

Skólahald hefur verið í Hrísey síðan árið 1906.  Hríseyjarskóli flokkast með fámennum skólum, en skilgreiningin á fámennum skóla er almennt talin vera skóli með undir 100 nemendum eða þar sem samkennsla fer fram. Hríseyjarskóli er einn af grunnskólum Akureyrarbæjar.

Hríseyjarskóla er skipt upp í grunnskóladeild og leikskóladeild. Grunnskóli Hríseyjar og Smábær voru sameinaðir í eina stofnun 2008. Við skólann starfa 10 starfsmenn. Fimm fagmenntaðir kennarar kenna við grunnskóladeildina, þrír starfsmenn á leikskólanum, skólaliði, húsvörður og matráður.  Einkunnarorð skólans er Manngildi - Metnaður- Þekking.

Í leikskólanum eru 14 börn sem una sér glöð saman með starfsmönnum sínum. Deildarstjóri leikskólans er Ingibjörg Þórðardóttir. Í grunnskólanum eru 24 nemendur. Þeim nemendum er skipt upp í þrjár bekkjardeildir. Í yngri deild eru 8 nemendur; 3 í 1. bekk, 3 í 2. bekk og 2 í 3. bekk. Það er enginn nemandi í 4. bekk. Umsjónarkennari yngri deildar er Ingibjörg Guðmundsdóttir.  Í miðdeild eru 10 nemendur skiptingin er þannig  2 í 5 bekk, 2 í 6. bekk og 6 nemendur í 7. bekk.  Umsjónarkennari miðdeildar er Vilborg Valgeirsdótttir.  Á elsta stigi eru 6 nemendur. Það eru 2 nemendur í 8. bekk, 3 í 9. bekk og 1 nemandi í 10 bekk. Umsjónarkennari þeirra er Dóra Guðmundsdóttir. Skólastjóri Hríseyjarskóla er Þórunn Björg Arnórsdóttir.

Dæmigerð kennslustund í Hríseyjarskóla fer þannig fram að krakkarnir vinna í deildunum með sínum kennara s.s. samkennsla. Mikið er lagt upp úr einstaklingsmiðaðri kennslu. Í frímínútum eru allir nemendurnir saman út og leika sér, Allir saman enginn einn.... eins og lagt er upp með í Olwiusar áætlun skólans. Nú í dag sérhæfa kennarar sig meira í sérstökum námsgreinum og halda áfram að mennta sig í sinni sérgrein þannig að við fáum betri og upplýstari kennslu en á árum áður þegar bara einn kennari var að kenna allar námsgreinarnar. Í miðdeild taka nemendur þátt í útikennslu og nemendur á yngri deild vinna í byrjendalæsi í íslensku.
Þess má líka geta að við í Hríseyjarskóla erum umhverfisvæn og þann 31.maí 2005 var Grænfáninn dregin að húni í fyrsta sinn.  Umhverfissáttmáli Grunnskólans í Hrísey er að Endurnýta allt sem hægt er, flokka allan úrgang og spara orku.

Leikskólinn er opinn frá 7:45 - 16:00. Boðið er upp á skólavistun  frá 14:00 - 16:00.

Í Hrísey er nýtt íþróttahús og sundlaug sem er nýtt til íþrótta- og sundkennslu. Krakkarnir í Hrísey eru samviskusöm og duglegir þegar kemur að hreyfingu og hollum lifnaðarháttum. Hreyfistund er hjá leikskólanum einu sinni í viku en grunnskólinn fer tvisvar í viku í íþóttir og einu sinni í viku í sund.

Í dag eru 24 nemendur í skólanum sem er mjög lítið miðað við á árum áður því þá voru hátt í 40 nemendur.  Eins og máltakið góða segir – Fámennt en góðmennt…

Skólareglur Hríseyjarskóla

Heimasíða frá 100 ára afmæli skólans 2006.

Til baka í aðalsíðu